27. Me të dëgjuar për Jezuin, ajo hyri mes turmës dhe i preku nga pas mantelin.
28. Ajo thoshte me vete: «Sikur t’ia prek vetëm rrobat, do të shpëtoj».
29. Rrjedhja e gjakut iu ndërpre në çast dhe ajo ndjeu në trupin e saj se u shërua nga sëmundja.
30. Jezui e ndjeu menjëherë forcën që doli prej tij dhe si iu drejtua turmës, tha: «Kush m’i preku rrobat?».
31. Dishepujt i thanë: «Ti e sheh turmën që të shtyn nga të gjitha anët dhe thua kush më preku?».
32. Por ai shikonte rreth e rrotull për të parë atë që e kishte prekur.