9. Prandaj atë që ka bashkuar Perëndia, njeriu të mos e ndajë!».
10. Kur u kthyen në shtëpinë ku po rrinin, dishepujt e pyetën përsëri për këtë gjë.
11. Ai u tha: «Kushdo që e ndan gruan e vet dhe martohet me një tjetër, bën tradhti bashkëshortore ndaj saj,
12. dhe kushdo që e ndan burrin e vet dhe martohet me një tjetër, bën tradhti bashkëshortore».
13. Atëherë i sollën disa fëmijë, që të vinte duart mbi ta, por dishepujt i qortuan.
14. Kur i pa, Jezui u zemërua dhe u tha: «Lërini fëmijët të vijnë tek unë dhe mos i pengoni, sepse mbretëria e Perëndisë u përket atyre që janë si ata.
15. Me të vërtetë po ju them se ai që nuk e pranon mbretërinë e Perëndisë si një fëmijë, nuk do të hyjë në të».