17. Të gjithë do t’ju urrejnë për shkak të emrit tim,
18. por asnjë fije floku nuk do t’ju bjerë nga koka.
19. Me qëndresën tuaj do të fitoni shpirtrat tuaj.»
20. «Kur ta shihni Jerusalemin të rrethuar nga ushtritë, atëherë dijeni se shkretimi i tij është afër.
21. Kështu, ata që janë në Jude të arratisen maleve, ata që janë në Jerusalem të dalin jashtë tij dhe ata që janë nëpër fshatra të mos hyjnë në Jerusalem,
22. sepse këto janë ditët e shpagimit, në të cilat do të plotësohet çfarë është shkruar.
23. Mjerë gratë shtatzëna dhe ato që mëkojnë fëmijë në ato ditë, sepse do të bjerë mjerim i madh mbi tokë dhe zemërim kundër këtij populli!