1. Unë Pali, apostull i Krishtit Jezu nga vullneti i Perëndisë, dhe vëlla Timoteu,
2. po ju shkruajmë besimtarëve dhe vëllezërve që besojnë në Krishtin dhe që janë në Kolos:Paçi hir dhe paqe nga Perëndia, Ati ynë!
3. E falënderojmë Perëndinë, Atin e Zotit tonë Jezu Krisht, sa herë që lutemi për ju,
4. sepse kemi dëgjuar për besimin tuaj në Krishtin Jezu dhe për dashurinë që keni për të gjithë besimtarët e krishterë.
5. Këtë besim dhe këtë dashuri e keni për shkak të shpresës që ju pret në qiej, për të cilën keni dëgjuar gjatë predikimit për të vërtetën e ungjillit.
6. Ky ungjill arriti te ju dhe po jep fryt e po përparon në mbarë botën, sikurse ndër ju, që nga dita kur e dëgjuat dhe njohët me të vërtetë hirin e Perëndisë.
7. Këtë ungjill jua mësoi Epafrai, bashkëpunëtori ynë i dashur, që është shërbëtor besnik i Krishtit për ju.
8. Ai na foli për dashurinë që ju ka dhënë Shpirti i Shenjtë.
9. Prandaj edhe ne, që nga dita kur e morën vesh këtë gjë, nuk pushojmë së luturi për ju dhe i kërkojmë Perëndisë t’ju japë urtinë dhe mençurinë shpirtërore që ta njihni plotësisht vullnetin e tij.
10. Kështu do të mund të bëni një jetë të denjë për Zotin dhe ashtu si i pëlqen atij, duke dhënë fryt në çdo vepër të mirë dhe duke shtuar njohuritë për Perëndinë.
11. Ju do të forcoheni me fuqinë që vjen nga pushteti i lavdishëm i Perëndisë, që të përballoni gjithçka me durim dhe që me gëzim
12. të falënderoni Atin që ju bëri të denjë të keni pjesën tuaj në trashëgiminë e besimtarëve të krishterë, në mbretërinë e dritës.
13. Ai na nxori nga pushteti i errësirës dhe na futi në mbretërinë e Birit të tij të dashur,
14. në të cilin kemi shpengimin, faljen e mëkateve.
15. Biri është shëmbëllimii Perëndisë së padukshëm,i lindur përpara çdo krijese.
16. Sepse nga ai u krijua gjithçkanë qiejdhe në tokë,të dukshmetdhe të padukshmet,fronet,zotërimet,sunduesitdhe pushtetet.Gjithçka u krijua përmes tijdhe për të.
17. Ai është përpara çdo gjëjedhe gjithçka e krijuarqëndron në të.
18. Ai është kreu i trupit,domethënë i kishës,fillimi i jetës së redhe i pari që u ngjallprej të vdekurve,në mënyrë qëai të jetë i pari në gjithçka.
19. Sepse Perëndisë i pëlqeuqë në Birin të banojëe gjithë plotësia e vetë Perëndisë
20. dhe të pajtojëme veten e tij, nëpërmjet Birit,gjithçka mbi tokëa në qiej,duke vendosur paqenme anë të gjakutqë Biri derdhi në kryq.
21. Edhe ju dikur ishit të huaj për Perëndinë dhe armiq të tij për shkak të mendimeve dhe veprave tuaja të liga.
22. Por tani Biri ju pajtoi me Perëndinë me anë të vdekjes në trupin e tij njerëzor, që t’ju paraqesë para tij të shenjtë, të patëmetë dhe të paqortueshëm.
23. Por duhet të qëndroni të fortë në besim, të qëndrueshëm dhe të palëkundur në shpresën që jep ungjilli që dëgjuat. Ky ungjill i është predikuar gjithë krijesës nën qiell dhe unë, Pali, jam bërë shërbëtor i tij.
24. Tani, gëzohem që vuaj për ju dhe që po plotësoj në trupin tim njerëzor atë që u mungon vuajtjeve të Krishtit për trupin e tij, domethënë për kishën.
25. Kësaj kishe i shërbej edhe unë sipas detyrës që më ngarkoi Perëndia për ju, që t’ju predikoj të plotë fjalën e tij.
26. Kjo fjalë është plani i Perëndisë, që ka qenë i fshehur gjatë shekujve për të gjitha breznitë, por që tani iu shfaq besimtarëve të krishterë.
27. Perëndia donte t’u bënte të njohur atyre pasurinë e lavdisë së këtij plani të fshehtë për të gjitha kombet. Ky plan i fshehtë është Krishti në ju, i cili është shpresa juaj për lavdinë që do të vijë.
28. Këtë Krisht predikojmë edhe ne, duke e këshilluar dhe duke e mësuar çdo njeri me gjithë urtinë që kemi, me qëllim që të gjithë njerëzit t’i paraqesim të përsosur përmes Krishtit para Perëndisë.
29. Prandaj unë mundohem dhe luftoj me ndihmën e fuqisë së Krishtit që vepron fuqishëm brenda meje.