20. Me të vërtetë po ju them se kush pranon atë që do të dërgoj unë, më pranon mua dhe kush më pranon mua, pranon atë që më dërgoi».
21. Si tha këto, Jezui u trondit në shpirt dhe tha: «Me të vërtetë po ju them se njëri prej jush do të më tradhtojë».
22. Dishepujt filluan të shikonin njëri-tjetrin, sepse nuk e dinin për kë e kishte fjalën.
23. Njëri prej dishepujve të tij, ai që Jezui e donte, ishte mbështetur te kraharori i Jezuit.
24. Atëherë Simon Pjetri i bëri shenjë ta pyeste Jezuin për kë e kishte fjalën.
25. Ai u përkul mbi kraharorin e Jezuit dhe i tha: «Zot, kush është?».