32. Gjoni dëshmoi: «Pashë Shpirtin e Perëndisë tek zbriste prej qiellit si pëllumb dhe që qëndroi mbi të.
33. Unë nuk e njihja atë, por ai që më dërgoi të pagëzoj me ujë më tha: “Ai mbi të cilin do të shohësh Shpirtin duke zbritur dhe duke qëndruar mbi të, është ai që do të pagëzojë me Shpirtin e Shenjtë.”
34. Unë e kam parë dhe dëshmoj se ky është Biri i Perëndisë».
35. Të nesërmen, Gjoni po qëndronte sërish atje bashkë me dy prej dishepujve të tij
36. dhe kur pa Jezuin që po kalonte, tha: «Ja Qengji i Perëndisë!».
37. Dy dishepujt, kur dëgjuan çfarë tha Gjoni, i shkuan pas Jezuit.
38. Jezui u kthye, dhe kur pa se po i shkonin pas, i pyeti: «Çfarë kërkoni?». Ata i thanë: «Rabbi - që do të thotë mësues - ku banon?».