8. Kam Perëndinë për dëshmitar sesi digjem nga malli për ju të gjithë me dhembshurinë e Krishtit Jezu.
9. Unë lutem që dashuria juaj të rritet gjithnjë e më shumë e të pasurohet me dije dhe me aftësi për të kuptuar,
10. që të jeni në gjendje të dalloni më të mirën dhe të jeni të dëlirë e të pafajshëm ditën e ardhjes së Krishtit,
11. të mbushur plot me frytet e drejtësisë që vijnë prej Jezu Krishtit, për lavdinë dhe lavdërimin e Perëndisë.
12. Tani, o vëllezër, dëshiroj ta dini se ajo që më ka ndodhur mua, ka ndihmuar më shumë në përparimin e ungjillit.
13. Kështu, mbarë pretoriumi dhe gjithë të tjerët e kanë kuptuar qartë se unë jam në pranga për Krishtin.
14. Pjesa më e madhe e vëllezërve besimtarë morën zemër në Zotin nga prangat e mia dhe e shpallën fjalën e Perëndisë më me guxim e pa frikë.
15. Është e vërtetë që disa e predikojnë Krishtin edhe nga smira e rivaliteti ndaj meje, por disa të tjerë e predikojnë nga vullneti i mirë.
16. Këta e shpallin Krishtin nga dashuria, sepse e dinë se jam ngarkuar nga Perëndia për të mbrojtjur ungjillin,
17. ndërsa ata të tjerët e predikojnë Krishtin nga rivaliteti, pa sinqeritet, duke menduar se kështu i shtojnë më tepër vuajtje prangosjes sime.
18. Ç’rëndësi ka? Sido që të jetë, me hipokrizi a me sinqeritet, Krishti predikohet e për këtë gëzohem.Dhe përsëri do të gëzohem,
19. sepse e di se përmes lutjeve tuaja dhe me ndihmën e Shpirtit të Shenjtë të Jezu Krishtit kjo gjë do të sjellë shpëtimin tim.
20. Këtë pres me padurim dhe shpresoj që të mos turpërohem në asgjë, por me shumë guxim, si gjithmonë edhe tani, e madhëroj Krishtin në trupin tim, qoftë përmes jetës, qoftë përmes vdekjes.
21. Sa për mua jeta është Krishti dhe vdekja është fitim.