8. Dikujt Shpirti i Shenjtë i jep dhuntinë për të folur me urti, një tjetri i njëjti Shpirt i Shenjtë i jep dhuntinë për të folur me dituri.
9. Dikujt i njëjti Shpirt i jep besim, ndërsa një tjetri dhuntinë për të shëruar të tjerët,
10. dikujt fuqinë për të bërë mrekulli, një tjetri për të profetizuar, një tjetri për të dalluar shpirtrat, një tjetri i jep larmi gjuhësh, ndërsa një tjetri shpjegimin e gjuhëve.
11. Të gjitha këto i bën i njëjti dhe i vetmi Shpirt i Shenjtë, duke i dhënë secilit dhunti të veçantë, sipas vullnetit të tij.
12. Ashtu si trupi është një, por ka shumë gjymtyrë dhe të gjitha gjymtyrët e trupit, megjithëse janë shumë, përbëjnë një trup të vetëm, ashtu është edhe Krishti.
13. Edhe ne, qofshim judenj apo paganë, skllevër apo të lirë, u pagëzuam me të njëjtin Shpirt të Shenjtë për t’u bërë një trup i vetëm dhe kemi pirë të gjithë nga i njëjti Shpirt i Shenjtë.