1. O Perëndi i hakmarrjes, o Zot, Perëndi i hakmarrjeve, shkëlqe.
2. Çohu, o gjykatës i tokës, dhe jepu shpërblimin mendjemëdhenjve.
3. Deri kur të pabesët, o Zot, deri kur të pabesët do të triumfojnë?
4. Ata vjellin fjalë dhe mbajnë fjalime të paturpshme; të gjithë ata që kryejnë paudhësi flasin me arrogancë.
5. Ata marrin nëpër këmbë popullin tënd, o Zot, dhe shtypin trashëgiminë tënde.
6. Vrasin gruan e ve dhe të huajin, dhe vrasin jetimët,
7. dhe thonë: "Zoti nuk shikon, Perëndia i Jakobit nuk kupton".
8. Kërkoni të kuptoni, o njerëz të pamend midis popullit; dhe ju budallenj, kur do të bëheni të zgjuar?