1. Dëgjo, o bari i Izraelit, që udhëheq Jozefin si një kope; ti që rri mbi Kerubinët, shkëlqe në lavdinë tënde.
2. Rizgjoje fuqinë tënde përpara Efraimit, Beniaminit dhe Manasit, dhe eja të na çlirosh.
3. O Perëndi, na përtëri fuqitë, bëje fytyrën tënde të shkëlqejë dhe ne do të shpëtojmë.
4. O Zot, Perëndi i ushtrive, deri kur do të jesh i zemëruar kundër lutjes së popullit tënd?
5. Ti u ke dhënë për të ngrënë bukë të njomur me lot, dhe u ke dhënë për të pirë lot me shumicë.
6. Ti na ke bërë objekt mosmarrëveshjeje për fqinjët tanë, dhe armiqtë tanë qeshin njëri me tjetrin.
7. O Perëndi i ushtrive, na përtëri forcat tona; bëje fytyrën tënde të shkëlqejë përsëri dhe do të shpëtojmë.
8. Ti çove jashtë Egjiptit një hardhi; i dëbove kombet dhe e mbolle.
9. Ti e pastrove dheun para saj dhe ajo lëshoi rrënjë dhe e mbushi dheun.
10. Malet u mbuluan nga hija e saj dhe cedrat e Perëndisë me degët e saj.
11. I zgjati degët e saj deri në det dhe lastarët deri te lumi.