39. Mëso, pra, sonte dhe mbaje në zemrën tënde që Zoti është Perëndi atje lart në qiejt dhe këtu poshtë në tokë, dhe se nuk ka asnjë tjetër.
40. Respekto pra statutet dhe urdhërimet e tij që unë po të jap sot, që të jetosh në begati ti dhe bijtë e tu mbas teje dhe të zgjatësh ditët e tua në vendin që Zoti, Perëndiai yt, po të jep përgjithnjë".
41. Atëherë Moisiu veçoi tri qytete matanë Jordanit, në drejtim të lindjes,
42. në të cilët mund të strehohej vrasësi që kishte vrarë të afërmin e tij padashur, pa e urryer më parë, dhe me qëllim që të ruante jetën e tij duke u strehuar në njërin prej këtyre qyteteve:
43. Betseri në shkretëtirën e krahinës fushore për rubenitët, Ramothi në Galaad për gaditët dhe Golani në Bashan për manasitët.
44. Ky është ligji që Moisiu u paraqiti bijve të Izraelit.
45. Këto janë rregullat, statutet dhe dekretet që Moisiu u dha bijve të Izraelit kur dolën nga Egjipti,