14. Ka një kategori njerëzish dhëmbët e të cilëve janë si shpata dhe dhëmballët e tyre janë si thika, për të gëlltitur të varfrit mbi faqen e dheut dhe nevojtarët në mes të njerëzve.
15. Shushunja ka dy bija, që thonë: "Më jep, më jep!". Ka tri gjëra që nuk ngopen kurrë, madje katër nuk thonë kurrë: "Mjaft!".
16. Sheoli, barku shterp, toka që nuk ngopet me ujë dhe zjarri që nuk thotë kurrë: "Mjaft!".
17. Syrin që tallet me babanë dhe nuk pranon me përbuzje t'i bindet nënës, do ta nxjerrin korbat e përroit, do ta hanë të vegjlit e shqiponjës.
18. Ka tri gjëra tepër të mrekullueshme për mua, madje katër, që unë nuk i marr vesh:
19. gjurma e shqiponjës në ajër, gjurma e gjarprit mbi shkëmb, gjurma e anijes në mes të detit dhe gjurma e burrit me një vajzë.
20. Kjo është sjellja e gruas që ka shkelur kurorën: ha, fshin gojën dhe thotë: "Nuk kam bërë asnjë të keqe!".
21. Tri gjëra e turbullojnë tokën, madje katër janë gjërat që ajo nuk mund të durojë:
22. një shërbëtor kur bëhet mbret, një budalla që ka bukë me bollëk,
23. një grua të urryer që gjen burrë dhe një shërbëtore që i zë vendin zonjës.
24. Ka katër kafshë të vogla mbi tokë, por janë jashtëzakonisht të urta:
25. mizat e dheut, që janë një popull pa forcë, por që e mbledhin ushqimin e tyre në verë;
26. lepujt, që janë një popull i dobët, por që e vendosin banesën e tyre në shkëmbinjtë;