12. Kush rreh një njeri dhe për këtë shkak ky vdes, do të dënohet me vdekje.
13. Në qoftë se nuk i ka ngritur kurrfarë prite, por Perëndia ka bërë që t'i bjerë në dorë, unë do të caktoj një vend ku ai mund të gjejë strehë.
14. Në qoftë se ndokush vepron me paramendim kundër të afërmit të tij për ta vrarë me mashtrim, ti do ta shkëputësh edhe nga altari im, për të siguruar vdekjen e tij.
15. Kush rreh atin ose nënën e tij do të dënohet me vdekje.
16. Kush rrëmben një njeri dhe e shet, ose gjendet në duart e tij, do të dënohet me vdekje.
17. Kush mallkon të atin ose të ëmën do të dënohet me vdekje.