1. Vitin e shtatë Jehojada mori kurajo, mori komandantët e qindësheve, domethënë Azariahun, birin e Jerohamit, Ismaelin, birin e Jehohanamit, Azariahun, birin e Obedit, Maaseiahun, birin e Adajahut dhe
2. Pastaj ata përshkuan Judën, mblodhën levitët nga të gjitha qytetet e Judës dhe të parët e shtëpive atërore të Izraelit dhe erdhën në Jeruzalem.
3. Kështu tërë asambleja lidhi një aleancë me mbretin në shtëpinë e Perëndisë. Pastaj Jehojada u tha atyre: "Ja, biri i mbretit do të mbretërojë, si ka thënë Zoti për bijtë e Davidit.
4. Ja çfarë do të bëni ju: një e treta nga ju, priftërinj dhe levitë, që marrin shërbimin ditën e shtunë, do të caktohen në portat e tempullit;
5. një e treta tjetër do të rrijë në pallatin e mbretit, dhe e treta tjetër në portën e themelimit, ndërsa tërë populli do të rrijë në oborrin e shtëpisë të Zotit.