26. Ai u soll në mënyrë të neveritshme duke u dhënë pas idhujve, ashtu si kishin bërë amorenjtë që Zoti i kishte dëbuar përpara bijve të Izraelit.
27. Kur Ashabi dëgjoi këto fjalë, grisi rrobat e tij, e mbuloi trupin me një thes dhe agjëroi; binte në shtrat i mbështjellë me thesin dhe ecte si i përvuajtur.
28. Atëherë fjala e Zotit iu drejtua Elias, tishbitit, duke i thënë:
29. "A e pe si u poshtërua Ashabi para meje? Duke qenë se u poshtërua para meje, unë nuk do ta godas me fatkeqësinë sa është i gjallë, por do të dërgoj fatkeqësinë mbi shtëpinë e tij gjatë jetës së birit të tij".