1. Pali, shërbëtor i Jezu Krishtit, i thirrur për të qenë apostull, i veçuar për ungjillin e Perëndisë,
2. siç i kishte premtuar ai me anë të profetëve të tij në Shkrimet e shenjta,
3. lidhur me Birin e tij, të lindur nga fara e Davidit sipas mishit,
4. i deklaruar Biri i Perëndisë në fuqi, sipas Frymës së shenjtërisë nëpërmjet ringjalljes prej së vdekurit: Jezu Krishti Zoti ynë,
5. me anë të të cilit ne kemi marrë hir dhe apostullim, për bindje në besim midis të gjithë kombeve për hir të emrit të tij,
6. ndër të cilët edhe ju jeni të thirrur nga Jezu Krishti;