1. Atëherë u ngrit gjithë asambleja dhe e çuan te Pilati.
2. Dhe filluan ta paditin duke thënë: ''Këtë ne e gjetëm që përmbyste kombin tonë dhe ndalonte t'i jepeshin taksa Cezarit, duke u vetëquajtur një mbret, Krishti''.
3. Atëherë Pilati e pyeti duke thënë: ''A je ti mbreti i judenjve?''. Dhe Jezusi iu përgjigj dhe tha: ''Ti po thua''.
4. Pilati u tha atëherë krerëve të priftërinjve dhe popullit: ''Unë nuk po gjej asnjë faj te ky njeri''.
5. Por ata ngulnin këmbë, duke thënë: ''Ai po ngre popullin në kryengritje duke mësuar në mbarë Judenë, që nga Galileja e deri këtu''.