3. O Perëndi, na përtëri fuqitë, bëje fytyrën tënde të shkëlqejë dhe ne do të shpëtojmë.
4. O Zot, Perëndi i ushtrive, deri kur do të jesh i zemëruar kundër lutjes së popullit tënd?
5. Ti u ke dhënë për të ngrënë bukë të njomur me lot, dhe u ke dhënë për të pirë lot me shumicë.
6. Ti na ke bërë objekt mosmarrëveshjeje për fqinjët tanë, dhe armiqtë tanë qeshin njëri me tjetrin.
7. O Perëndi i ushtrive, na përtëri forcat tona; bëje fytyrën tënde të shkëlqejë përsëri dhe do të shpëtojmë.
8. Ti çove jashtë Egjiptit një hardhi; i dëbove kombet dhe e mbolle.
9. Ti e pastrove dheun para saj dhe ajo lëshoi rrënjë dhe e mbushi dheun.
10. Malet u mbuluan nga hija e saj dhe cedrat e Perëndisë me degët e saj.
11. I zgjati degët e saj deri në det dhe lastarët deri te lumi.
12. Pse i prishe gjerdhet e saj dhe kështu tërë kalimtarët kanë mundësi të korrin frytet e saj?
13. Derri i egër i pyllit e shkreton dhe egërsirat e fushës kullotin aty.
14. O Perëndi i ushtrive, të lutemi kthehu; shiko nga qielli, vështro dhe vizito këtë vresht