10. Hakuna munhu anotyisa zvokuti angaidenha. Ndianiko zvino anogona kumisidzana neni?
11. Ndianiko wandakatorera chinhu wandinofanira kuripira? Zvinhu zvose zviri pasi pedenga ndezvangu.
12. “Handingakonewi kutaura zvemitezo yayo, simba rayo uye chimiro chayo chakanaka.
13. Ndianiko angabvisa dehwe rayo? Ndianiko angasvika kwairi namatomu?
14. Ndianiko anotsunga kuzarura mikova yomuromo wayo, iwo wakakomberedzwa nameno ayo anotyisa?
15. Musana wayo une mitsara yamakwande yakanyatsonamirwa pamwe chete;
16. rimwe nerimwe riri pedyo pedyo nerimwe, zvokuti hakuna mhepo inopinda napakati.