33. Denga nenyika zvichapfuura, asi mashoko angu haangatongopfuuri.
34. “Chenjerai, kuti mwoyo yenyu irege kuremedzwa nokudyisa, kudhakwa nokufunganya kwoupenyu, kuti zuva iro rirege kukuwirai seriva musina kuzvitarisira.
35. Nokuti richasvika pamusoro pavose vagere pamusoro penyika yose.
36. Garai makagadzirira, uye munyengetere kuti mugogona kupunyuka pazvose izvo zvava kuda kuitika, uye kuti mugogona kumira pamberi poMwanakomana woMunhu.”
37. Zuva rimwe nerimwe Jesu aidzidzisa patemberi, uye madekwana oga oga achindopedza usiku hwose ari muGomo reMiorivhi,
38. uye vanhu vose vaiuya patemberi mangwananingwanani kuti vazomunzwa.