Feagaiga Tuai

Feagaiga Fou

Topita 9:3-11 O LE TUSI PA'IA - Ekalesia Katoliko Roma (RSCB)

3. ‘Ae ui i lea, ‘ou te ole atu ‘ina ‘ia e ‘ave nai ‘au‘auna ma nai manu, ‘ona e aga‘i atu lea ‘iā Kapaelu i Rakai, le ‘a‘ai o tagata Metai; ‘e te tu‘u atu ‘iā te ia lana tusi fa‘amaoni ma e talia mai ‘iā te ia le tupe ma vala‘au atu ‘iā te ia e sau i la‘u tausama‘aga.

4. Auā ‘ua e iloa o lo‘o faitau e lo‘u tamā pō o la‘u malaga; ‘āfai fo‘i ‘ou te tuai atu i se aso lava e tasi, ‘ona fa‘anoanoa ai lea o lona agaga.

5. ‘Ua e iloatino fo‘i pe fa‘apefea ‘ona ‘ai‘oi mai ‘iā te a‘u e Rakuelu, ‘ua ‘ou lē mafai lava ‘ona te‘ena lana ‘ai‘oi mai.

6. ‘Ona ‘avea lea e Refaelu o ‘au‘auna e to‘afa a Rakuelu ma kamela e lua ma ‘ua faimalaga i Rakai le ‘a‘ai o tagata Metai; ‘ua na maua ai fo‘i o Kapaelu ma ‘ua na tu‘u atu ‘iā te ia lana tusi fa‘amaoni ma ‘ua na talia mai ai le tupe ‘ato‘atoa.

7. Ma ‘ua tala atu ‘iā te ia o mea uma na o‘o ‘iā Tovia, le atali‘i o Topita ma ‘ua na ta‘ita‘iina mai o ia i le tausama‘aga.

8. A ‘ua la ulu atu i le fale o Rakuelu, ‘ua na maua ai o Tovia o ta‘oto i le ‘aiga, ‘ona tula‘i loa lea o Tovia ma ‘ua feasogi i lā‘ua; ‘ona tagi lea o Kapaelu ma ‘ua fa‘amanū atu i le Atua.

9. ‘Ua fa‘apea ane: ‘Ia fa‘amanuiaina oe e le Atua o Isaraelu, auā o oe o le atali‘i o le tagata matuā lelei, ma le amiotonu ma le mata‘u i le Atua ma le fai o mea alofa e tele.

10. ‘Ia ligiina fo‘i lea fa‘amanuiaga i luga o lau avā ma luga fo‘i o ‘oulua mātua,

11. ma ‘ia ‘oulua iloa atu o la ‘oulua fānau ma le fānau a lā ‘oulua fānau e o‘o i lona tolu ma lona fā o tupulaga! ma ‘ia fa‘amanuiaina lo ‘oulua gafa e le Atua o Isaraelu, o lē soifua i le fa‘avavau fa‘avavau lava!

Faitau le mataupu e atoatoa Topita 9