Le mataupu

  1. 1
  2. 2
  3. 3
  4. 4
  5. 5
  6. 6
  7. 7
  8. 8
  9. 9
  10. 10
  11. 11
  12. 12
  13. 13
  14. 14

Feagaiga Tuai

Feagaiga Fou

Topita 8 O LE TUSI PA'IA - Ekalesia Katoliko Roma (RSCB)

‘Ua tuli‘eseina le temoni e Tovia

1. ‘Ua uma le ‘aiga, ‘ona latou momoli atu lea le taule‘ale‘a ‘iā te ia.

2. A ‘ua manatua e Tovia le ‘upu a le agelu, ‘ona ia ‘aumai lea le vaega o le ate mai lana ‘ato ma ‘ua na tu‘u i luga i malala ola.

3. ‘Ona pu‘e lea le temoni e le agelu o Refaelu ma ‘ua fusifusi ‘iā te ia i le fanua tu‘ufua i le itū i uta o Aikupito.

O le Tatalo a Tovia ma Sara

4. ‘Ona apoapoa‘i atu lea o Tovia i le teine, ‘ua fa‘apea atu: Sara e, tula‘i ia, ‘ia tā ‘ai‘oi atu i le Atua i le aso nei ma le aso a taeao ma le aso i ona tala atu, auā o po nei e tolu e fa‘atasia ai i tā‘ua ma le Atua; ‘ae a mavae lona tolu o po, ‘ona tā nonofo lea i la tā‘ua fa‘aipoipoga.

5. Auā o i tā‘ua o le fānau a le ‘au pa‘ia ma ‘ua lē mafai ‘ona fa‘atasia i tā‘ua e pei o nu‘u ‘ese ‘ua latou lē iloa le Atua.

6. ‘Ona tula‘i loa lea o i lā‘ua ma ‘ua la tatalo fa‘atasi ma le tauānau ‘ina ‘ia fa‘asaogalemūina i lā‘ua.

7. Ma ‘ua fai ane o Tovia: Le Ali‘i e, le Atua o matou tamā, ‘ia fa‘amanū atu ‘iā te oe le lagi ma le lalolagima le sami ma vaipuna ma vaitafe‘atoa ma mea uma o i ai na faia lava e oe.

8. Na e faia Atamu i le efuefu o le ‘ele‘ele, na e tu‘u atu fo‘i ‘iā te ia o Eva e fai mōna fesoasoani.

9. A o lenei, le Ali‘i e, ‘ua e silafia ‘ua ‘ou talia lo‘u nei tuafafine ma a‘u avā,e lē ‘ona o le tu‘inanau ‘ae o le mana‘o tasi i so mā‘ua gafa,‘ina ‘ia fa‘amanūina ai o lou suafa i le fa‘avavau fa‘avavau lava.

10. ‘Ua fai ane fo‘i o Sara:Alofa mai ‘iā te i mā‘ua,le Ali‘i e, alofa mai ‘iā te i mā‘ua.Le Ali‘i e, alofa mai ‘iā te i mā‘ua;‘ia fa‘alevaleva o mā‘ua olagama ‘ia mālōlōina pea o i mā‘ua.

11. ‘Ona o‘o lea i le itūlā e vivini ai moa, ‘ua poloa‘i e Rakuelu ‘ia ‘a‘amia ana ‘au‘auna ma ‘ua latou ō ma ‘ia e ‘eli se tu‘ugamau.

12. Auā ‘ua fa‘apea ifo o ia: Atonu ‘ua o‘o fo‘i ‘iā te ia le mea na o‘o i tane ia e to‘afitu na ō atu i le teine.

13. ‘Ua uma ‘ona sauni le tu‘ugamau, ‘ona toe fo‘i lea o Rakuelu i lana avā, ‘ua fai atu ‘iā te ia:

14. ‘Ia e ‘a‘auina atu le tasi o a‘u ‘au‘auna fafine, ‘ia va‘ava‘ai po ‘ua oti o ia, ‘ina ‘ia ‘ou tanu ‘iā te ia a o le‘i tafa mai ata.

15. A ‘ua ia ‘a‘auina atu le tasi o ana ‘au‘auna fafine, ‘ua ia ulu atu i le potu ma ‘ua mā‘ua ai i lā‘ua, o mālōlōina ma saogalemū, o la momoe fa‘atasi.

O le Tatalo Fa‘amanū a Rakuelu ma Ana

16. ‘Ua toe fo‘i mai o ia ma ‘ua tala‘i atu le tala lelei. ‘Ona la fa‘amanū atu lea i le Ali‘i, o Rakuelu ma lana avā o Ana:

17. ma ‘ua la fai ane:‘Ua ma fa‘amanū atu ‘iā te oe, le Ali‘i e, le Atua o Isaraelu,auā ‘ua lē o‘o le mea sa ma manatu i ai;

18. auā ‘ua e agalelei mai ‘iā te i mā‘uama na e tuli‘ese ‘iā i mā‘ua le fili sa fa‘asauā mai ‘iā te i mā‘ua.

19. A ‘ua e alofa i le to‘alua ‘ua na o i lā‘ua i o la ‘āiga.Le Ali‘i e, ‘ia e tu‘u atu ‘iā te i lā‘ua‘ina ‘ia sili lo la fa‘amanū atu ‘iā te oe.Ma ‘ia la momoli atu ‘iā te oe le taulaga fa‘afetai‘ona ‘ua saogalemū i lā‘ua,‘ina ‘ia iloa e nu‘u ‘atoa umao oe lava le Atua e to‘atasi i le lalolagi uma.

20. Ma ‘ua poloa‘i atu loa e Rakuelu i ana ‘au‘auna, ‘ia latou toe tanu, a o le‘i tafa mai ata, le tu‘ugamau na latou ‘elia.

O le Faigā‘ai o le Fa‘aipoipoga

21. ‘Ua fai atu fo‘i i lana avā ‘ia sauniuni se faigā‘ai ma ‘ia sauniuni fo‘i o mea e ‘ai uma e aogā i le oso o tagata fai malaga.

22. ‘Ua poloa‘i fo‘i ‘ia fasia o povi fafine pepeti e lua ma mamoe e fā, ‘ia saunia ai se faigā‘ai mo ē uma ‘ua latou tuā‘oi, ‘atoa māna uō uma lava.

23. Ma ‘ua ole atu o Rakuelu ‘iā Tovia ‘ina ‘ia nofo fa‘atasi ma ia i vaisapati e lua.

24. Ma ‘ua tu‘u atu e Rakuelu ‘iā Tovia le vaeluagalemū o ana mea uma; ‘ua na fai fo‘i le tusi ‘ina ‘ia tu‘u atu i le pule a Tovia le vaeluaga e totoe pe a oti o i lā‘ua.