12. E tatau ‘ona tu‘uina mai ‘iā te oe o ana ‘oloa ‘atoa uma, e tatau fo‘i ‘ona e faiavā ‘iā te ia.
13. O lenei, ‘ia e tagi atu ai i lona tamā, ‘ona ia tu‘u mai lea ‘iā te oe e fai māu avā.
14. ‘Ona tali atu lea o Tovia ‘iā te ia, ‘ua fa‘apea atu: ‘Ua ‘ou fa‘alogo na tu‘uina lava ia i tane e to‘afitu ma ‘ua oti i latou; ‘ua ‘ou fa‘alogo fo‘i i le tala, o le temoni lava na ia fasioti ‘iā te i latou.
15. O lenei ‘ua ‘ou fefe ne‘i o‘o fo‘i ‘iā te a‘u o mea ia; auā na o a‘u le fānau a o‘u matua, o lea, ‘ou te fa‘aifo ai i latou i le tu‘ugamau ma le fa‘anoanoa i aso e matutua ai i lā‘ua.
16. ‘Ona fai mai lea o le agelu o Refaelu ‘iā te ia: ‘Ia e fa‘alogo mai ‘iā te a‘u, ‘ou te fa‘ailoa atu ‘iā te oe po o ai tagata e mafai ‘ona manumālō i ai le temoni.
17. O i latou lava ‘ua latou talia le fa‘aipoipoga, o vavae‘ese ai le Atua i o latou loto ma o latou manatu, ma ‘ua latou ‘ana‘ana i o latou tu‘inanau e fa‘apei o le solofanua ma le falata e lē o i ai se mafaufau, o i latou ia e pule i ai le temoni.
18. A o oe, pe a e talia o ia, ‘ia e ulu atu i lo ‘oulua potu ma ‘aua ‘e te tago ‘iā te ia i po e tolu, ‘ia gata lava i le tatalo ‘ona ‘oulua fa‘asaga i ai ma ia.
19. O le po lava lenā ‘e te susunu ai le ate o le i‘a e tuli‘eseina ai le temoni.
20. A o lona lua o po e talia ai oe i le soamafutaga ma le au tupuga amiotonu.