7. ‘Ua oti fo‘i Mose ‘ina ‘ua selau ma le lua sefulu ona tausaga; e le‘i puaoa ona mata, e le‘i mavae fo‘i lona malosi.
8. ‘Ua fētāgisi fo‘i le fānauga a Isaraelu ‘iā Mose i le ‘ele‘ele laugatasi o Moapi i aso e tolu sefulu; ‘ona ‘ato‘atoa ai lea o aso na fētāgisi ma fa‘anoanoa ai ‘iā Mose.
9. ‘Ua tumu fo‘i Iosua le atali‘i o Nuno i le agaga e poto ai; auā na fa‘ae‘e atu e Mose ona lima i luga ‘iā te ia; na fa‘alogo fo‘i le fānauga a Isaraelu ‘iā te ia, ma ‘ua latou faia e pei ‘ona poloa‘i mai ai o le ALI‘I ‘iā Mose.
10. ‘Ua lē toe tu mai se perofeta ‘iā Isaraelu e pei o Mose, sa la fesagai ma le ALI‘I;
11. e pei o ia i fa‘ailoga uma ma vāvega, sa ‘auina atu ai o ia e le ALI‘I e fai i le nu‘u o Aikupito ‘iā Farao ma ana ‘au‘auna uma, ‘atoa ma lona nu‘u uma lava,
12. ma le ‘a‘ao malosi uma, ‘atoa ma mea matuā mata‘utia uma na faia e Mose i luma o Isaraelu uma lava.#