31. ‘Ona fetalai mai lea o le ALI‘I ‘iā te a‘u, “Fa‘auta, ‘ua ‘ou tu‘uina atu nei lava o Sekono ma lona nu‘u ‘iā te oe, ‘ia e fai nei lava mou lona nu‘u.”
32. ‘Ona latou ō mai lea o Sekono ma lona nu‘u uma e fa‘afetaia‘i ‘iā i tatou e tau ai le tau‘a i Iaesa;
33. na tu‘uina mai fo‘i i latou e le ALI‘I lo tatou Atua ‘iā te i tatou, ‘ona tatou fafasi ai lea ‘iā te ia, ma ona atali‘i, ‘atoa ma lona nu‘u uma.
34. ‘Ona tatou ā‘ea ai lea ona ‘a‘ai uma lava i ia ona po, ma tatou fa‘aumatia o tane, ma fafine, ma tamaiti i ‘a‘ai uma lava, ‘ua leai se tasi na tatou fa‘atoeina;
35. na o manu na ‘ave ma tatou, ‘atoa ma vete i ‘a‘ai na tatou faoa.
36. E āfua mai i Aroeru, o i le ‘auvai o le alia o Arinona, ma le ‘a‘ai i le alia, ‘ua o‘o atu i Kiliata, e leai lava se ‘a‘ai na sili lo latou malosi i lo tatou, ‘ua foa‘iina mai uma e le ALI‘I lo tatou Atua ‘iā te i tatou.
37. Na o le nu‘u o le fānauga a Amoni na e lē o‘o i ai, o se mea e tasi e latalata ane i le alia o Iapoka, po o ‘a‘ai o i mauga, po o se mea na vavao mai ai e le ALI‘I lo tatou Atua.