1. O le ‘au ositaulaga o sa Levī, ma le itū‘āiga uma o Levi, e leai so latou fanua po o se tofi fa‘atasi ma Isaraelu; o taulaga e fai i le afi i le ALI‘I, o lona tofi lea, latou te ‘a‘ai ai.
2. E leai fo‘i sona tofi fa‘atasi ma ona uso; o le ALI‘I o lona tofi o ia, e pei ‘ona fetalai mai ai o ia ‘iā te ia.
3. O mea nei e tatau ‘ona maua e le ‘au ositaulaga mai le nu‘u, mai ‘iā i latou o ē fai taulaga, po o se povi po o se mamoe; ‘ia latou avatu i le ositaulaga o le ālagalima, ma alafau e lua, ma le puta.
4. O le fa‘apolopolo o lau saito, o lau uaina, ma lau suāu‘u, ‘atoa ma selega muamua o fulufulu o au mamoe, ‘ia e avatua, ia mea ‘iā te ia.
5. Auā ‘ua filifilia o ia e le ALI‘I lou Atua mai ou itū‘āiga uma, e tu ma ‘au‘auna i le suafa o le ALI‘I, o ia ma ona atali‘i i aso uma lava.