1. O le tausaga muamua o Tariu le atali‘i o Asueru, o lē na tupu mai Metai, sa fai o ia ma tupu i le mālō o Kaletaia,
2. O le tausaga muamua o lana nofoa‘iga, o a‘u o Tanielu na a‘u iloa ai i tusi le faitau o tausaga na fetalai mai ai le ALI‘I ‘iā Ieremia le perofeta, ‘ia fa‘a‘atoaina ai le fa‘atafunaga o Ierusalema, o tausaga e fitugafulu ia.
3. ‘Ona ‘ou fa‘asaga lea i le Ali‘i le Atua e sā‘ili i le tatalo ma le fa‘atoga ma le anapogi ma le ‘ie talatala, ma le lefulefu.
4. Na a‘u tatalo i le ALI‘I lo‘u Atua ma ‘ou fa‘aali atu, ‘ua ‘ou fa‘apea atu, “Le Ali‘i e o le Atua e sili ma le mata‘utia, o lē tausi i le feagaiga ma lē alofa i ē alofa atu ‘iā te ia, ‘atoa ma ē o tausiusi i ana poloa‘iga.
5. ‘Ua matou agasala ma ‘ua fai mea leaga ma ‘ua matou agaleaga, ‘ua fouvale fo‘i ‘ina ‘ua te‘a ‘ese ma au poloa‘iga ma au fa‘amasinoga.