Feagaiga Tuai

Feagaiga Fou

Tanielu 3:27-33 O LE TUSI PA'IA - Ekalesia Katoliko Roma (RSCB)

27. auā ‘ua e amiotonu i mea uma na e faia ‘iā i matou, ‘ua fa‘amaoni au galuega uma lava, ‘ua tonu uma ou ala, ma ‘ua tonu uma au fa‘amasinoga.

28. Auā na e faia o fa‘amasinoga tonu e tusa ma mea uma na e fa‘ao‘o mai ‘iā i matou ma le ‘a‘ai pa‘ia o matou tamā, o Ierusalema, auā na e fa‘ao‘o mai mea uma ia i lau fa‘amasinoga tonu ‘ona o a matou agasala.

29. ‘Ua matou agasala, ‘ua matou faia le amioga leaga ‘ina ‘ua matou liliu ‘ese ‘iā te oe, ma ‘ua matou amio leaga i mea uma lava;

30. ma ‘ua matou lē fa‘alogo i āu poloa‘iga, ma ‘ua matou le tausia lava, ma matou le faia o mea na e poloa‘i mai ‘iā i matou ‘ina ‘ia matou manuia ai.

31. O mea uma lava na e fa‘ao‘o mai ‘iā i matou, o mea uma lava na e faia ‘iā te i matou, na e faia i le fa‘amasinoga tonu.

32. Ma ‘ua e tu‘uina i matou i lima o matou fili amio leaga, o ē aupito leaga ma le fouvale, ma le tupu amioletonu ma le aupito leaga o le lalolagi ‘atoa uma.

33. A o lenei ‘ua matou le mafafai ‘ona fai sa matou ‘upu; ‘ua faia i matou ma māsiasi ma tauemuga i āu ‘au‘auna ma i latou e gaua‘i ‘iā te oe.

Faitau le mataupu e atoatoa Tanielu 3