5. a‘i lima o ē sā‘ili ‘iā te a‘u ‘ia ‘ou oti, a‘i faitoto‘a o puapuagā na si‘omia ai a‘u,
6. a‘i le malosi o le afi mū na fa‘ata‘ali‘oli‘o ‘iā te a‘u,a ‘ua ‘ou tu i totonu o le afi,‘ua lē susunuina lava a‘u.
7. I le loloto o le lua o le tu‘ugamau, a‘i le laulaufaiva ‘ele‘elea ma le ‘upu pepelo,a‘i le tupu amio leaga ma le laulaufaiva o lē amioletonu.
8. E vivi‘i atu lo‘u agaga i le Ali‘i e o‘o atu i le oti.
9. Sa fa‘alata atu lo‘u ola i le vanu o le tu‘ugamau.
10. Sa latou fa‘ata‘ali‘oli‘o ‘iā te a‘uma ‘ua leai se tasi na te fesoasoani mai;sa ‘ou sā‘ili i se fesoasoani mai ia tagatama ‘ua leai lava se to‘atasi.
11. ‘Ua ‘ou manatua lou agaalofa, le Ali‘i e, ma au galuega e mai anamuā.
12. Auā ‘ua e fa‘aola ‘iā te i latou ‘ua fa‘alagolago ‘iā te oe,le Ali‘i e,ma ‘ua e lavea‘i ‘iā te i latou a‘i lima o tagata nu‘u ‘ese.
13. O oe na e fa‘aeaina lo‘u nofo i le lalolagima ‘ua ‘ou tagi atu ‘ona ‘ua oso mai le oti.
14. Na ‘ou vala‘au atu i le Ali‘i, le Tamā o lo‘u Ali‘i,‘ia ‘aua ne‘i tu‘ulafoa‘i ‘iā te a‘u i le aso o lo‘u puapuagā,o aunoa ma se puipui i le aso o ē fa‘amaualuga ‘iā te a‘u.
15. ‘Ou te vivi‘i atu i lou suafa i aso uma,‘ou te fa‘amanū i ai i la‘u fa‘afetai.‘Ua fa‘afofogaina o la‘u tatalo,
16. ma ‘ua e lavea‘i ‘iā te a‘u a‘i le fanoga,‘ua e fa‘asaoina a‘u i le aso leaga.
17. O le mea lea ‘ou te vivi‘i atu aima ‘ou fa‘ane‘ene‘e ai ‘iā te oe,‘ou te fa‘amanū i le suafa o le Ali‘i.
18. O aso a ‘ou taule‘ale‘a, a o le‘i amata ‘ona ‘ou ta‘asē,‘ua ‘ou fa‘aalia la‘u sā‘ili i le poto i a‘u talosaga.
19. Na ‘ou tagi atu ai i luma o le malumalu,‘ou te sā‘ili fo‘i i ai e o‘o i le i‘uga ma ‘ua fua mai e pei o se fuifuivine taumūmū mai.
20. ‘Ua ‘oli‘oli i ai o lo‘u loto, ‘ua sāvavali o‘u vae i le ala tonu,‘ua ‘ou sā‘ili lava i ai e āfua mai i lo‘u taule‘ale‘a.
21. Na ‘ou ua‘i teisi o lo‘u taliga ma ‘ua ‘ou talia lava ia.
22. ‘Ua ‘ou maua i lo‘u loto le poto matuā tele ma ‘ua tele ai lo‘u alualu i luma.
23. ‘Ou te fa‘ane‘ene‘e atu i lē ‘ua na foa‘i mai le poto,
24. auā ‘ua tonu ‘iā te a‘u ‘ou te fa‘aaogāina.‘Ua ‘ou tauivi ai i le amio lelei, ‘ou te lē māsiasi ai lava.
25. ‘Ua tau le tau‘a e lo‘u agaga ‘ia maua le poto,‘ua fa‘amalosi fo‘i i le tausi i ai.