10. E ta‘uleaga o le tamā agasala e ona atali‘i,auā ‘ua ‘avea i latou ma luma ‘ona o ia.
11. ‘Oi, talofa ‘iā te ‘outou, tagata amio leaga,na ‘outou tu‘ua le tulafono a le Ali‘i silisili ‘ese!
12. Na fānau mai ‘outou, na fānau lava i le fetu‘u;a oti fo‘i ‘outou, o le fetu‘u lava lo ‘outou tofi.
13. O mea uma mai le ‘ele‘ele, e toe fo‘i atu i le ‘ele‘ele;e fa‘apea o ē amio leaga ‘ua amata mai i le fetu‘u, ‘ae i‘u i le fanoga.
14. E fa‘anoanoa tagata i o latou tino i‘uvale;‘ae o le igoa o ē amio leaga e sōloi‘esea ia.
15. ‘Ia e fa‘aeteete lava i lou ta‘uleleia,auā e sili ‘ona tumau lea ‘iā te oe i le afe o fa‘aputuga ‘oa tāua ma le tetele.
16. E mafaitaulia aso o le olaga manuia,a o le ta‘uleleia e tumau ia i le fa‘avavau.
17. O‘u atali‘i e,‘ia ‘outou tausia ma le filemū a‘u fa‘atonuga;auā ‘āfai e natia pea le poto ma lilo pea le ‘oloa,se ā se aogā o mea ia e lua?
18. E feoloolo le tagata na te natia lona valea,‘ae leaga lē na te natia lona poto.
19. O lea la, ‘ia māsiasi ‘outou i mea ‘ou te ta‘u atua nei,
20. auā e lē lelei ‘ona māsiasi i mea uma,e lē ‘amana‘ia fo‘i mea uma e tagata umae tusa ma le mafaufau sa‘o.
21. O le faita‘aga ‘ia māsiasi ai ‘outou i luma o ‘outou tamā,a o le talapelo ‘ia māsiasi ai i luma o le tumua ma le tagata mamalu,
22. o le solitulafono i luma o le ali‘i sili ma le fa‘amasino,a o le amio lē taupulea i luma o le fa‘apotopotoga ma le motu o tagata;