Feagaiga Tuai

Feagaiga Fou

Sirako 20:1-8 O LE TUSI PA'IA - Ekalesia Katoliko Roma (RSCB)

1. E lelei le a‘oa‘iga, ‘ae leaga le ita fa‘asulusulu;‘aua fo‘i le vaosia le fa‘amatalaga a lē ta‘uta‘u lana agasala.

2. E pei o le eunuka na te fia toso se taupou,

3. e fa‘apea le tagata na te faia fa‘amalosi se fa‘amasinoga e lē tonu.

4. Se mea ‘ua lelei le fa‘aali le loto salamō pe a a‘oa‘oina oe,auā o le ala lea ‘e te ‘alo ‘ese ai i le agasala o le loto.

5. ‘Ua i ai le tasi e fa‘alologo, a ‘ua aliali mai ai lona poto,‘ae ‘ua ‘inosia le tasi ‘ona o le so‘ona tautala.

6. ‘Ua i ai le tasi e fa‘alologo ‘ona ‘ua lē maua ni ana ‘upu,‘ae i ai le tasi e fa‘alologo ‘ona ‘ua masino ‘iā te ia le itū aso tatau.

7. E fa‘alologo le tagata poto se‘ia o‘o i le itū aso tatau,a o le tagata mamapo ma le lē mafaufau na te lē iloa ni itū aso.

8. O lē tautala i ni ‘upu e tele e fa‘aleaga lava ia ‘iā te ia lava,a o lē so‘ona fiapule ma le fa‘alētatau e ‘inosia lava ia.

Faitau le mataupu e atoatoa Sirako 20