1. ‘Ai sē lote i le pulu e pulutia ai, e ‘ele‘elea ai lava ia;‘ai sē fa‘auō ma le tagata fa‘amaualuga,e fa‘a‘ofu fo‘i o ia i le fa‘amaualuga.
2. O sē fa‘amasani ma se tagata ‘ua sili ‘ona mamalu ‘iā te ia, ‘ua na amo lava se avega;‘aua ne‘i fai oe ma soa o se tasi ‘ua sili ‘ona mau‘oloa ‘iā te oe.
3. Fa‘apefea ‘ona fa‘auō le ‘ulo ma le ipu ‘omea? auā a fetaui, e nutipalaina.
4. E amioletonu le tagata mau‘oloa, ‘ae lilivau lava ia;e fa‘aleagaina le tagata mativa, ‘ae fa‘alologo o ia.