12. “‘Oi talofa i lē na te faia, ‘a‘ai i le toto ma fa‘atumauina se ‘a‘ai i le amioletonu!”
13. Fa‘auta, e le mai le ALI‘I o ‘au ‘ea ‘ona ia galulue tagata mā le afi ma ‘ia lailoa nu‘u ‘iā i latou lava i mea le aogā lava.
14. Auā e tumu le lalolagi i le malamalama o le mamalu o le ALI‘I, fa‘apei ‘ona ufitia o le ‘iliti tai i le suāsami.
15. “‘Oi talofa i lē na te fa‘ainu i le tasi tagata, o oe o lē liligi atu lau mea ‘o‘ona ‘iā te ia, ‘ua e fa‘a‘onā fo‘i ‘iā te ia, ‘ina ‘ia e va‘ai atu i lo latou lē lavalavā.”
16. E tumu oe i le mā e lē o le mamalu; ‘ia e inu fo‘i oe ma ‘ia aliali lou le peritomeina; e liliu atu ‘iā te oe le ipu a le ‘a‘ao taumatau o le ALI‘I, e i ai fo‘i le pua‘iga e fa‘amāina ai i luga o lou mamalu.
17. Auā e liloia oe i le sauā na faia i Lepanona ma le fa‘aumatia o manu e matuā matata‘u ai i latou; na o le toto o tagata ma le sauā i le nu‘u ma le ‘a‘ai, ma i latou uma o ē nonofo ai.
18. Se a ‘ea le aogā o le tupua ‘ua ta ‘ina ‘ua taia e lē na na faia; o le tupua u‘amea ma lē a‘oa‘o i le pepelo, ‘ina ‘ua fa‘atuatua le na faia i lana mea na fai, ‘ia fai ai e ia tupua e le magagana.
19. ‘Oi talofa i lē na te fai atu i le la‘au, “Ala mai ia;” ma le ma‘a e le magagana, “Tula‘i mai ia” E a‘oa‘o mai ‘ea lenā mea? Fa‘auta ‘iā te ia, ‘ua ufitia i le auro ma le ario, ‘ae leai lava se manava i totonu ‘iā te ia.
20. A o le ALI‘I ‘ua i lona malumalu pa‘ia o ia; ‘inā fa‘alologo ia le lalolagi uma i ona luma.#