3. ‘Ia ‘outou ilia le pū i le masina ‘ua fa‘ato‘ā va‘aia,o ona po ‘ua tu‘u e fai ai le tausamiga.
4. Auā o le tulafono lenei mo Isaraelu,o le pule a le Atua o Iakopo.
5. Na ia faia lenei mea ma tulafono ‘iā Iosefa,i lona afio atu i le nu‘u o Aikupito.Na ‘ou fa‘alogo ai i le gagana ‘ou te le‘i iloa.
6. “Na ‘ou tu‘u‘eseina le avega i lona ua;o le ‘ato ‘ua te‘a ma ona lima.
7. Na e vala‘au mai i le puapuagā,‘ona ‘ou lavea‘iina ai lea o oe.Na ‘ou tali atu ‘iā te oe i le mea lilo ‘ua i ai le faititili;na ‘ou tofotofo ‘iā te oe i le vai o Meripa. Selā.
8. Lo‘u nu‘u e,fa‘alogologo mai ia, se‘i ‘ou ta‘utino atu ‘iā te oe.Isaraelu e,e lelei ‘ona e fa‘alogo mai ‘iā te a‘u.
9. ‘Aua ne‘i i ai se atua ‘ese ‘iā te oe;‘aua fo‘i ne‘i e ifo i se atua o se nu‘u ‘ese.
10. O a‘u lava o le ALI‘I lou Atua,o lē na ‘aveina a‘e ‘iā te oe nai le nu‘u o Aikupito;fa‘amaga ia lou gutu, ‘ona ‘ou fa‘atumuina ai lea.
11. “‘Ae le‘i fa‘alogo mai lo‘u nu‘u i lo‘u leo;o Isaraelu fo‘i e le‘i loto mai ‘iā te a‘u.
12. ‘Ona ‘ou tu‘uina atu ai lea o i latou i o latou loto finau vale;na latou sāvavali i mea na latou filifili i ai.
13. E! ana fa‘alogo mai lo‘u nu‘u ‘iā te a‘u,‘ana sāvavali Isaraelu i o‘u ala;
14. po ‘ua ‘ou vave fa‘ato‘ilaloina ē ‘ua ita ‘iā te i latou,ma a‘u fa‘ao‘o atu lo‘u lima i ē ‘ua fai i latou mo latou fili.
15. Po ‘ua fa‘atagā vivi‘i ‘iā te i latou ē ‘ua ‘ino‘ino i le ALI‘I;‘ae fa‘avavau o latou aso.
16. Po ‘ua fafaga e ia ‘iā te i latou i le saito e sili ‘ona lelei;po ‘ua ‘ou fa‘amā‘ona ‘iā te oe i le meli nai le papa.”