1. Le Atua e, o lo‘u Atua lava oe;‘ou te ala sā‘ili ‘iā te oe;‘ua fia inu lo‘u agaga ‘iā te oe,‘ua ‘ou matuā naunau atu ‘iā te oei le nu‘u naumati, e lailoa ai, e leai ni vai.
2. ‘Ia ‘ou iloa lou malosi ma lou mamalu,e pei ‘ona ‘ou iloa oe i le malumalu.
3. Auā o lou alofa e sili ‘ona lelei lea i le ola;‘ou te vivi‘i atu lava ‘iā te oe i o‘u laugutu.
4. O lea ‘ou te fa‘amanū atu ai ‘iā te oe a o ‘ou ola;‘ou te si‘i o‘u lima i lou suafa.
5. E peiseaī o le ga‘o ma le mea lololo,‘ou te mā‘ona ai lava a‘u;e vivi‘i atu fo‘i ‘iā te oe o lo‘u gutuma o‘u laugutu e ‘alaga fiafia.
6. A ‘ou manatua oe i lo‘u moega,‘ou te mafaufau ‘iā te oe i leoleoga i itū po.
7. Auā na fai oe ma fesoasoani ‘iā te a‘u;‘ou te ‘oli‘oli fo‘i i le paolo o ou ‘apa‘au.
8. ‘Ua pipi‘i atu lava lo‘u loto ‘iā te oe;o lou ‘a‘ao taumatau ‘ua tāofiina ai a‘u.
9. A o i latou o ē sā‘ili e fasioti ‘iā te a‘u ‘ia ‘ou fano,latou te o‘o i mea loloto i le ‘ele‘ele.
10. E tu‘uina atu i latou i le pelu e oti ai;e ‘avea i latou ma tufa‘aga a alope.
11. A o le tupu, e fiafia lava ia i le Atua;e ta‘itasi ma mitamita o ē tautō ‘iā te ia;auā e punitia gutu o ē tala pepelo.
Faitau le mataupu e atoatoa Salamo 63