8. Ou ‘ofu uma lava ‘ua ni muro ma aloe ma kesia,mai maota nifo o elefane ‘ua latou fa‘afiafia ai ‘iā te oe.
9. O lo‘o fa‘atasi o alofafine o tupu,ma ē ‘ua fa‘apelepeleina e oe;‘ua tu mai le masiofo i lou itū taumatau‘ua ‘ofu ia i le auro lelei mai Ofeira.
10. ‘Inā fa‘afogafoga mai ia, le alofafine e,ma silasila ma liliu mai ou fofoga;‘ia e fa‘agalogalo fo‘i i lou nu‘u ma le ‘āiga o lou tamā.
11. ‘Ona naunau ai lea o le Tupu i lou lālelei;auā o ia lava lou ALI‘I, ‘ia e ifo ‘iā te ia.
12. E sau le tama fafine a Turo ma le mea alofa;e ole atu ‘iā te oe o ē tamao‘āiga i le nu‘u.
13. ‘Ua matuā matagofie le alofafine o le Tupu i totonu;‘ua teuteua lona ‘ofu i le auro.
14. E ta‘ita‘iina o ia i le Tupu ma ona ‘ofu lanu ‘ese‘ese;o ana uō, o taupou o ē mulimuli atu ‘iā te ia,e ‘aumaia i latou ‘iā te oe.
15. E ta‘ita‘iina i latou ma le fiafia ma le ‘oli‘oli;e ulufale atu i latou i le maota o le Tupu.
16. E suia ou tamā i ou alo;‘e te tofia i latou e fai ma ali‘i sili i le lalolagi uma.