7. ‘Ua e finagalo i le amiotonu,ma ē ‘ino‘ino i le amio leaga;o le mea lea ‘ua fa‘au‘uina ai oe e le Atua,o lou Atua lava, i le suāu‘u o le fiafia,e sili lava i ē tou te fa‘atasi.
8. Ou ‘ofu uma lava ‘ua ni muro ma aloe ma kesia,mai maota nifo o elefane ‘ua latou fa‘afiafia ai ‘iā te oe.
9. O lo‘o fa‘atasi o alofafine o tupu,ma ē ‘ua fa‘apelepeleina e oe;‘ua tu mai le masiofo i lou itū taumatau‘ua ‘ofu ia i le auro lelei mai Ofeira.
10. ‘Inā fa‘afogafoga mai ia, le alofafine e,ma silasila ma liliu mai ou fofoga;‘ia e fa‘agalogalo fo‘i i lou nu‘u ma le ‘āiga o lou tamā.
11. ‘Ona naunau ai lea o le Tupu i lou lālelei;auā o ia lava lou ALI‘I, ‘ia e ifo ‘iā te ia.
12. E sau le tama fafine a Turo ma le mea alofa;e ole atu ‘iā te oe o ē tamao‘āiga i le nu‘u.
13. ‘Ua matuā matagofie le alofafine o le Tupu i totonu;‘ua teuteua lona ‘ofu i le auro.