3. ‘Ua tu‘uina mai e ia le pese fou i lo‘u gutu,o le vi‘iga i lo tatou Atua;e iloa ai e le to‘atele,e matata‘u fo‘i i latou ma latou fa‘atuatua i le ALI‘I.
4. ‘Amu‘ia le tagata o lē fa‘atuatua i le ALI‘I,‘ae lē fa‘asaga i ē fa‘amaualuluga,ma ē ‘ua liliu ane i mea pepelo.
5. Le ALI‘I e, lo‘u Atua, e tele lava mea ‘ua e faia,o ou vāvega ma ou manatu ‘iā te i matou,e lē mafai ‘ona laulauina atu ai ‘iā te oe;‘ou te fia fa‘ailoa ma tautala i ai,‘ae lē mafaitaulia lava.
6. ‘E te lē finagalo i le taulaga ma le taulaga i mea e ‘ai;‘ua ‘elia e oe o‘u taliga.O le taulaga mū ma le taulaga mo le agasala‘e te le‘i fetalai mai ai.
7. ‘Ona ‘ou fai ane ai lea,“Fa‘auta, ‘ou te alu atu;‘ua tusia a‘u i le tusi ta‘ai.
8. Lo‘u Atua e,‘ou te fiafia e fai lou finagalo;o lo‘o i totonu lava ‘iā te a‘u lau tulafono.”