2. ‘Ia vivi‘i atu ‘iā te ia ‘outou ana agelu uma lava;vivi‘i atu ‘iā te ia ‘outou ana ‘au uma lava.
3. ‘Ia vivi‘i atu ‘iā te ia le lā ma le masina;‘ia vivi‘i atu ‘iā te ia ‘outou fetū uma o lo‘o fepulafi mai.
4. ‘Ia vivi‘i atu ‘iā te ia le lagi o lagi,ma vai o lo‘o i luga o le lagi.
5. ‘Ia latou vivi‘i atu i le suafa o le ALI‘I;auā o ia na fetalai ane, ‘ona faia lava lea.
6. Na ia fa‘atumauina fo‘i i latou e fa‘avavau fa‘avavau lava;na faia e ia le tulafono, e lē solia lava.
7. ‘Ia vivi‘i atu i le ALI‘I a‘i le lalolagio tanimo ma mea loloto uma;
8. o le afi ma le uato‘a, o le kiona ma le ‘ausa;o le matagi e afā ai, o lo‘o faia lana afioga.
9. O mauga tetele ma mauga iti uma lava;o la‘au e fua mai ma arasi uma lava.
10. O manu fe‘ai ma manu vaefā uma;o mea fetolofi ma manu felelei.
11. O tupu o le lalolagi ma nu‘u ‘atoa uma lava;o ali‘i ma fa‘amasino uma o le lalolagi.
12. O taulele‘a ‘atoa ma teine,o toeaina ‘atoa ma tama.
13. ‘Ia latou vivi‘i atu i le suafa o le ALI‘I;auā ‘ua na o lona suafa o mamalu;o lana vi‘iga ‘ua sili lea i le lalolagi ‘atoa ma le lagi.
14. ‘Ua fa‘amaualugaina fo‘i e ia le nifo o lona nu‘u,o le vi‘iga o ona tagata amio Atua uma;o le fānauga a Isaraelu, o le nu‘u o lo‘o latalata ‘iā te ia.‘Ia ‘outou vivi‘i atu i le ALI‘I.