2. ‘Ou te vivi‘i atu i le ALI‘I a o ‘ou ola;‘ou te fai pesega i lo‘u Atua a o ‘ou tumau i le ola nei.
3. ‘Aua tou te fa‘atuatua i ali‘i,po o le fānau a tagata, e lē o i ai se olataga.
4. E alu ‘ese lona agaga, e fo‘i atu i le ‘ele‘ele na i ai o ia;e fa‘aumatia i lea lava aso ‘ona mānatunatu.
5. ‘Amu‘ia le tagata o i ai le Atua o Iakopo e fai mōna fesoasoani;o i ai lona fa‘amoemoe i le ALI‘I lona Atua;
6. o lē na faia le lagi ‘atoa ma le lalolagi,o le sami ma mea uma o i ai;o lē na te tausia le fa‘amaoni e fa‘avavau.
7. O lē na te faia le fa‘amasinoga mo ē o sauāina;na te avatua le mea e ‘ai i ē o fia ‘a‘ai;e tatala e le ALI‘I i ē ‘ua noanoatia.