1. Na ‘ou ‘alaga i le ALI‘I i lo‘u leo;na ‘ou ‘ai‘oi atu i le ALI‘I i lo‘u leo.
2. Na ‘ou fa‘apa‘ūina atu la‘u tagi i ona luma;na ‘ou fa‘aali atu lo‘u puapuagā i ona luma.
3. Na lailoa lo‘u loto i totonu ‘iā te a‘u,‘ona e silafia lea e oe o lo‘u ala;na tu‘u e i latou le matāsele mo a‘u i lea lava ala na ‘ou savali ai.
4. Na ‘ou tepa i le itū taumatau ma ‘ou va‘ava‘ai,a ‘ua leai se tasi na fia iloa a‘u;‘ua leai lava se ‘alofaga ‘iā te a‘u.‘Ua leai se tasi na te sā‘ilia a‘u ‘ia ‘ou ola.
5. Le ALI‘I e, na ‘ou ‘alaga atu ‘iā te oe;na a‘u fa‘apea atu,“O oe lava lo‘u malu, o lo‘u tofi i le nu‘u o tagata ola.”
6. ‘Ia e fa‘afofoga mai i lo‘u ‘alaga atu,auā ‘ua vaivai lava a‘u;‘ia e lavea‘iina mai a‘u i ē tuliloa mai ‘iā te a‘u;auā ‘ua sili lo latou malosi i lo‘u.
7. ‘Ia e avatua lava a‘u a‘i le fale puipui,‘ina ‘ia ‘ou vivi‘i atu i lou suafa;e vagavagai mai ‘iā te a‘u o ē amiotonu,pe a e agalelei mai ‘iā te a‘u.
Faitau le mataupu e atoatoa Salamo 142