6. Na ‘ou fai atu i le ALI‘I,“O oe lava lo‘u Atua;”le ALI‘I e, ‘ia e fa‘afofoga mai i le leo o la‘u ‘ai‘oi atu.
7. Le ALI‘I e, lo‘u Ali‘i, o lo‘u fa‘aolataga malosi,‘ua fai oe ma talipupuni o lo‘u ulu i le aso e tau ai le tau‘a.
8. Le ALI‘I e, ‘aua ‘e te avatu mea e mana‘o i ai le tagata amio leaga;‘aua ne‘i o‘o lana togafiti, ne‘i fa‘amaualuga i latou. Selā.
9. O ulu o ē si‘osi‘oina mai a‘u,e ufitia i latou i le leaga mai o latou lava gutu.
10. E pa‘u‘ū malala ola i luga ‘iā i latou;e lafo i latou i le afi, i tō maulalo, ‘ina ‘ia lē toe tutū mai i latou.
11. E lē mau i le nu‘u le tagata fai ‘upu leaga;o le tagata fa‘asauā, e tuliloaina ia e le leaga se‘ia fano.
12. ‘Ua ‘ou iloa e faia e le ALI‘I le finauga mo ē ‘ua puapuagātia,o le fa‘amasinoga o ē ‘ua matitiva.
13. E moni, o ē amiotonu, e vivi‘i atu i latou i lou suafa;e nonofo i ou luma o ē ‘ua sa‘o a latou amio.