Feagaiga Tuai

Feagaiga Fou

Salamo 119:104-122 O LE TUSI PA'IA - Ekalesia Katoliko Roma (RSCB)

104. O au fe‘au ‘ou te maua ai le lotomatalao le mea lea ‘ou te ‘ino‘ino ai i ala pepelo uma lava.

105. O lau afioga o le sulu lea i o‘u vae,ma le malamalama i lo‘u ala.

106. Na ‘ou tautō, ‘ou te fa‘amaoni fo‘i,‘ou te tausi i au fa‘amasinoga tonu.

107. ‘Ua matuā puapuagātia a‘u; le ALI‘I e,‘ia e fa‘aolaola mai ‘iā te a‘u e tusa ma lau afioga.

108. Le ALI‘I e, ‘ia e talia mai lava o taulaga e faia ma le lotona fai atu ai lo‘u gutu;ma a‘oa‘o mai ‘iā te a‘u i au fa‘amasinoga.

109. O i lo‘u lima lo‘u nei ola e lē aunoa;‘ae lē galo ‘iā te a‘u lau tulafono.

110. O ē amio leaga ‘ua latou faia le mailei mo a‘u‘ae le‘i sesē a‘u i au fe‘au.

111. ‘Ua fai mo‘u tofi o au tulafono e fa‘avavau;auā o mea ia e fa‘afiafia a‘i lo‘u loto.

112. ‘Ua ua‘i atu lo‘u loto e fai au tulafonoe fa‘avavau fa‘avavau lava.

113. ‘Ou te ‘ino‘ino i ē loto fetōa‘i,a ‘ou te naunau i lau tulafono.

114. O lo‘u lafitaga, oe ma lo‘u talitā;‘ou te fa‘amoemoe i lau afioga.

115. Ō ‘ese ia ‘iā te a‘u, ‘outou o ē amio leaga;auā ‘ou te ‘ana‘ana lava poloa‘iga a lo‘u Atua.

116. ‘ia e lagolagoina mai a‘u e tusa ma lau afioga,‘ina ‘ia ‘ou ola ‘aua fo‘i ne‘i ‘ou mā i lo‘u fa‘amoemoega.

117. ‘ia e lagolagoina o a‘u, ‘ona fa‘aolaina lea o a‘u;‘ona ‘ou fa‘asaga lea e lē aunoa i au tulafono.

118. ‘Ua e fa‘alēaogāina i latou uma o ē sesē i au tulafono;auā o le pepelo lo latou fa‘a‘ole‘ole.

119. ‘Ua e ‘ave‘eseina o ē amio leaga uma o i le nu‘u pei o le otaota o ario;o le mea lea ‘ou te naunau ai i au tulafono.

120. ‘Ua gatete lo‘u tino i le mata‘u ‘iā te oe;ma ‘ou fefe i au fa‘amasinoga.

121. ‘Ua ‘ou faia le fa‘amasinoga ma le amiotonu;‘aua ‘e te tu‘uina atu a‘u i ē sauā mai ‘iā te a‘u.

122. ‘Ia fai oe ma fesoasoani i lau ‘au‘auna, ‘ou te lelei ai;‘aua ne‘i sauā mai ‘iā te a‘u o ē fa‘amaualuga.

Faitau le mataupu e atoatoa Salamo 119