Feagaiga Tuai

Feagaiga Fou

Salamo 114:1-8 O LE TUSI PA'IA - Ekalesia Katoliko Roma (RSCB)

1. Na alu atu Isaraelu nai Aikupito,o le ‘āiga o Iakopo nai le nu‘u gagana ‘ese;

2. ‘ona fai lea o Iuta mōna nu‘u pa‘ia,o Isaraelu o lē na ia pule i ai.

3. ‘Ua iloa atu e le sami, ‘ona sola ai lea;‘ua liliu i tua Ioritana.

4. ‘Ua feosofa‘i mauga fa‘apei o mamoe po‘a,ma mauga iti pei o tama‘i mamoe.

5. Le sami e, se a ‘ea le mea na e sola ai?O oe Ioritana e, se a le mea na e liliu ai i tua?

6. O ‘outou mauga na ‘outou feosofa‘i fa‘apei o mamoe po‘a i se a?ma ‘outou mauga iti pei o tama‘i mamoe i se a?

7. Le ‘ele‘ele e, ‘inā gatete ia oe i luma o le Ali‘i,i luma o le Atua o Iakopo;

8. o lē na te liua le papa e fai ma vailepa;o le papa alā e fai ma vaipuna.

Faitau le mataupu e atoatoa Salamo 114