Salamo 112:1-10 O LE TUSI PA'IA - Ekalesia Katoliko Roma (RSCB)

1. ‘Ia ‘outou vivi‘i atu i le ALI‘I.‘Amu‘ia le tagata o lē mata‘u i le ALI‘I,o lo‘o fiafia tele i ana poloa‘iga.

2. E malolosi lana fānau i le nu‘u;e manuia le tupulaga o ē amiotonu.

3. E i lona fale le ‘oloa ma mea e tele;e tumau fo‘i lana amiotonu e fa‘avavau.

4. E alu a‘e le malamalama i le pouliuli mo ē ‘ua amiotonu;o ia o le alofa fua ma le alofa mutimutivale ma lē amiotonu.

5. E manuia le tagata ‘ua alofa fua ma tu‘uina atu ana mea i ē nonō mai;na te tausia ana mea ma le fa‘autauta tonu.

6. E moni, e lē fa‘agae‘etia o ia e fa‘avavau;e manatua le tagata amiotonu e fa‘avavau.

7. E lē mata‘u o ia i le tala leaga;‘ua mau lona loto o lo‘o fa‘alagolago i le ALI‘I.

8. ‘Ua mausalī lona loto, e lē fefe lava ia,se‘ia iloa atu e ia le taui o ē ita ‘iā te ia.

9. ‘Ua fa‘asalalauina e ia ana mea, ‘ua avatua e ia i ē matitiva;e tumau lana amiotonu e fa‘avavau;e fa‘amaualugaina lona nifo ma le mamalu.

10. E iloa atu ai e le tagata amio leaga, ‘ona ita ai lea o ia;e lilivau ona nifo, e liu suāvai lava ia;e fa‘aumatia le mana‘o o ē amio leaga.