1. Le Atua e,‘ua mau lo‘u nei loto,‘ou te pese lava,e fai pesega lo‘u lava mamalu.
2. Ala mai ia le napeli ma le kitara,‘ou te ala i le taeao lava.
3. Le ALI‘I e,‘ou te vivi‘i ‘iā te oe i luma o le nu‘u,‘ou te fai pesega fo‘i ‘iā te oe i luma o tagata.
4. Auā ‘ua sili lou alofa i le maualuga o le lagi,o lou fa‘amaoni fo‘i ‘ua o‘o i ao.
5. Le Atua e,‘ia fa‘asilisiliina oe i le lagi,‘ia i ai i le lalolagi uma lou mamalu.
6. ‘Ina ‘ia lavea‘iina au pele,‘ia e fa‘aola mai i lou ‘a‘ao taumatau,ma ‘ia e tali mai ‘iā te a‘u.
7. ‘Ua fetalai mai le Atua i lona malumalu,“‘Ou te fiafia, ‘ou te tofitofia Sekema,o le vanu o Sukota ‘ou te fuafuatia lea.
8. O lo‘o ‘iā te a‘u Kiliata, o lo‘o ‘iā te a‘u Manase;e fai fo‘i Efaraima ma malosi o lo‘u ulu;o la‘u faipule, o Iuta lea.
9. O Moapi, o le ipu lea ‘ou te mulumulu ai;‘ou te lafoina lo‘u se‘evae i Etoma;‘ou te ‘alaga i lo‘u manumālō ‘iā Filisitia.”
10. O ai sē na te ‘avea a‘u i le ‘a‘ai nofo ‘olo?O ai sē na te ta‘ita‘iina a‘u i Etoma?
11. E lē o oe ‘ea le Atua, sa ē lafoa‘iina mai i matou,ma ‘ua e lē afio atu, o oe le Atua e, fa‘atasi ma la matou itūtau‘a?