1. O le avega o le afioga a le ALI‘I i le nu‘u o Hataraka, a o Tamaseko o lona mālōlōga lea; auā e ua‘i atu i le ALI‘I o mata o tagata, mai itū‘āiga uma o Isaraelu.
2. O Amato fo‘i o lo‘o tuā‘oi ai; o Turo ma Saitonu e ui lava ‘ona sili lona poto.
3. ‘Ua faia fo‘i e Turo le lolo mōna ma ‘ua fa‘afaupu‘e le ario e pei o le efa ma le auro e pei o le ‘ele‘ele i fafo.
4. Fa‘auta, e tulia o ia e le Ali‘i; na te taia fo‘i lona malosi ‘ia pa‘ū i le sami; e fa‘aumatia fo‘i o ia i le afi.
5. E va‘ai atu i ai Asekelona, ‘ona mata‘u ai lea; o Kasa fo‘i e va‘ai i ai o ia, ‘ona tigā tele ai lea, ‘atoa ma Ekerona; auā ‘ua fa‘amāina lona fa‘atuatuaga, e fanoia fo‘i le tupu o Kasa ma Asekelona e lē ‘ainā ia.
6. E mau le tagata ‘ese i Asetota; ‘ou te fa‘aumatia fo‘i le matagofie o Filisitia.
7. ‘Ou te ‘ave‘esea lona toto ai lona gutu, ‘atoa ma ana mea e ‘inosia nai le vā o ona nifo; e fa‘atoeina fo‘i o ia lava mo lo tatou Atua; e fai o ia e pei se ali‘i ‘iā Iuta, a o Ekerona e pei o le sa Iepusē o ia.
8. ‘Ou te tolauapi i lo‘u fale e si‘oma‘i ‘ona o le itūtau‘a, i lo latou alu atu ma lo latou fo‘i mai; o ē le toe alu atu lava lē fa‘asauā ‘iā te i latou; auā o lenei, ‘ua va‘ava‘ai ‘ou lava mata.
9. ‘Ia e matuā fiafia o oe le tama fafine a Siona;‘ia ‘alaga fiafia o oe le tama fafine a Ierusalema,fa‘auta, o le a alu atu lou Tupu ‘iā te oe.O ia o le amiotonu ma le fa‘aola,e agamalū o ia, o lo‘o ti‘eti‘e i le asini,o le tama‘i asini fo‘i.
10. ‘Ou te fa‘aumatia le kariota i Efaraima ma le solofanua i Ierusalema.E fa‘aumatia fo‘i le ‘aufana o le tau‘a;na te tautala fo‘i i le leleiga i nu‘u ‘ese.O lana pule e pau mai i le sami e o‘o atu i le sami,e pau mai i le vaitafe e o‘o i tulu‘iga o le lalolagi.
11. O oe fo‘i,‘ona o le toto o lau feagaiga,‘ou te tu‘u atu ai ou tagata ‘ua noanoa e ō ‘ese,i le lua e lē i ai se vai.
12. ‘Inā fo‘i mai ia i le ‘olo,‘outou ‘ua noanoa ‘ua i ai le fa‘amoemoe.O lenei lava aso ‘ou te ta‘utino atu,‘ou te toe avatu fa‘alua ‘iā te oe.
13. Auā ‘ua ‘ou loua Iuta mo a‘u;‘ua ‘ou tu‘u Efaraima i le fu‘a o le ‘aufana.‘Ou te fa‘aoso atu fo‘i i ou tagata Siona e,e tete‘e atu i ou tagata Iavana e,‘ou te faia fo‘i oe peiseaī se pelu a se toa.
14. E va‘aia e le ALI‘I i o latou luga;e alu atu lana ū e pei o le uila;e ili mai le pū o le Ali‘i le ATUA,e alu atu fo‘i ia i afā o le itū i saute.
15. O le ALI‘I o ‘au, o ia na te fa‘amamalu ‘iā te i latou;latou te ‘a‘ai ma soli i lalo i ma‘a o le ma‘atā.Latou te feinu, latou te pisapisaō pei o ē inu uaina,e fa‘atumuina i latou pei o se ipu pei o tulimanu o le fatafaitaulaga.
16. E fa‘aolaina i latou e le ALI‘I lo latou Atua i lenā aso;e pei o le lafu mamoe lona nu‘u.Auā e fai i latou ma ma‘a o le paleali‘i;o lo‘o si‘itia i luga i latou i lona lau‘ele‘ele.
17. Auā ‘ua tele na‘uā lona lelei,e tele na‘uā lona matagofie.E fa‘amalosia taulele‘a i le saito,ma taupou e fa‘amalosia ia i le uaina.