Feagaiga Tuai

Feagaiga Fou

Sakaria 12:1-5 O LE TUSI PA'IA - Ekalesia Katoliko Roma (RSCB)

1. O le avega o le afioga a le ALI‘I ‘iā Isaraelu; o lo‘o fetalai mai le ALI‘I le ‘ua fa‘amafolafola le lagi, ma fa‘avaeina le lalolagi, na ia faia fo‘i le agaga o le tagata i totonu ‘iā te ia:

2. Fa‘auta, o a‘u lava ‘ou te faia Ierusalema ma ipu e tautevateva ai nu‘u uma o vagavagai; e i ai fo‘i ‘iā Iuta pe a vagaia Ierusalema.

3. O lea aso fo‘i ‘ou te fai ai Ierusalema ma ma‘a mamafa i nu‘u uma; ‘atoa uma o ē si‘i i ai, e matuā manunu‘a ai i latou; a o fa‘apotopotoina nu‘u uma lava o le lalolagi latou te tau.

4. ‘Ua fetalai mai le ALI‘I, o le aso lava lea ‘ou te taia ai solofanua uma i le atuatuvale ma o ē ti‘eti‘e ai i le fa‘avalemalosi; a o le ‘āiga o Iuta, ‘ou te va‘ava‘ai lava i ai; o solofanua uma a nu‘u ‘ou te taia ia i le tauaso.

5. O ali‘i o Iuta latou te fa‘apea i o latou loto, “E fai mo‘u malosi o ē nonofo i Ierusalema i le ALI‘I o ‘au lo latou Atua.”

Faitau le mataupu e atoatoa Sakaria 12