1. Le tausala e,e matagofie na‘uā ou vae i se‘evae.O le fa‘iga o ou suilapalapa ‘ua pei o se asoa‘ua faia e lima o le tufuga.
2. O lou pute‘ua pei o se ipu lapotopoto ‘ua i ai le uaina ‘ua suia.O lou manava ‘ua pei o le fa‘aputuga saito‘ua afei i susana.
3. O ou susu e lua ‘ua pei o tama‘i sevi e lua,‘ua pei o le ui lua a le sevi.
4. O lou ua ‘ua pei o se ‘olo o nifo o elefane.O ou mata ‘ua pei o vailepa i Heseponae latalata ane i le faitoto‘a o Peterepima.O lou isu ‘ua pei o le ‘olo o Lepanona,e feagai ma Tamaseko.
5. O lou ulu i ou luga ‘ua pei o Karameluma lou lauulu ‘ua pei o ‘ie pauli;‘ua tōsina i ai le tupu.
6. Le pele e, ‘ua matuā lālelei oe,‘ua matuā matagofie oe, e fa‘afiafia ai.
7. ‘Ua fa‘apea lou maualuga, ‘ua tusa ma le pama;o ou susu fo‘i e pei o fuifui vine.
8. Na ‘ou fa‘apea ifo,‘Ou te a‘e i le pama, ma ‘ou tago atu i ona lau.O ou susu ‘iā te a‘u ‘ua pei o fuifui vinema le nanamu o lou isu e pei o moli.
9. O lou fofoga fo‘i e pei o le uaina lelei.‘Ua tafe malie e fa‘agaganaina ai laugutu o ē momoe.
10. ‘Ua fai a‘u mo lo‘u manamea,‘ua ua‘i mai fo‘i lona mana‘o ‘iā te a‘u.
11. Lo‘u manamea e, ‘inā sau ia,‘inā tā ō atu ia i le vao ma momoe i faoa ‘a‘ai.
12. ‘Ia tā ala usu atu i tōvine,ma tā matamata ai po o ‘ua fuga vine,po o ‘ua matala ona fuga,po o ‘ua tupu olaola rimoni.‘Ou te alofa atu ‘iā te oe i lea mea.