8. E pei ‘ona faia i se teine ‘ua naunau i teuga, e fa‘apea ‘ona ‘aumaia se auro ma ‘ua gaosia ai i latou.
9. E i ai lava pale auro i ulu o latou atua; ‘ae ‘ave‘ese ai e ositaulaga le auro ma le ario, ‘ua fa‘aaogāina mo i latou lava.
10. ‘Ua latou tu‘u atu ai i fafine talitane, ‘ua latou fai ai teuga o fafine agasala; ‘ae a toe ‘aumaia fo‘i e fafine talitane, ‘ua teuina ai o latou atua.
11. E lē fa‘asaoina fo‘i i latou i le ‘ele po o le mogamoga.
12. A ufitia i latou i le ‘ofu pāuli, e sōloia lava o latou mata ‘ona o le pefu o le fale ‘ua mafiafia ‘iā i latou.
13. ‘Ua i le tasi le to‘oto‘o o le pule, e pei o se tagata, e pei o le fa‘amasino fa‘aitumālō, ‘ae lē fa‘ao‘o lava le oti i lē ‘ua fāifai ‘iā te ia.